हे प्यारा मित्रों, आपां सारा आपसरी में प्रेम करां। क्यूंकै प्रेम परमेसर ऊं मिलै है अर हर कोई झिको प्रेम करै है, बो परमेसर गो बेटो बणग्यो है अर परमेसर नै जाणै है।  (1 यूहना 4:7)

कदी कदी इंया लागै जिंया मिन्ट मिन्ट में समाचार आवै है। जद आपां आपणै बस गै हालात ऊं परै गी घटनावा पर ध्यान देवा हा। जद आपां बि ताकत गी नजर खो सका झिकी आपणै कनै अजै बी है। आपां चुण सका कै आप आपणै हालाता पर किंया काम कर सका। अर ईऊं जादा  सा ओ है कै आपां बा हालाता गै बिचाळै किंया दूसरा सागै बरताव करा हा।

अबी थानै म्हे बि टेम नै याद करायो, जद यीसू गै चेला नै डर हो कै बांगी किस्ती डूब सकै। पण जद बण तूफान नै सांत करयो। यीसू गै चेला गी तरिया आपा बी यीसू सागै किस्ती पर हा। पण आपा एक दूसरै गै सागै बी हा। अर एक दूसरै गै होसलो दे’गे भेळा रेवा अर प्रेम करा।

मैं थानै एक नुई आग्या देऊं हूं कै एक दूसरै ऊं प्रेम राखो जिंया कै मैं थारूं प्रेम राख्यो। बिंया ई थे बी एक दूसरै ऊं प्रेम राखो।  जे आपसरी में प्रेम राखोगा तो इंयूं ई सारा जाणैगा कै थे मेरा चेला हो।” (यूहना 13:34-35)

अठै 4 तरिया है झिका आपां प्रेम नै चुण सका

1. एक दूसरै नै होसलो दयो - आपा हिस्यै बे-बिस्वासै टेम में रेवा हा। अठै तांई कै आपां एक दुसरै सागै सारीरिक तोर ऊं भेळा कोनी हो सका जद बी आपां फोन, टेकस्ट, ईमेल, सोसल मिडिया पर जुड सका। ओनलाइन चर्चा में भाग ले सका ओर बी भोत जादा, “झिका गो भलो करणो चईयै, जे थारै में ताकत है तो बांगो भलो करण  ऊं ना रुकयो। ” (नीती बचन 3:27)
2. एक दूसरै गी मदद करणी - कोई सारथक चीजा झिकी आपां कर सका, बे सोखी अर बरताव आळी है। आपगै पड़ोसियां ऊं पूछो हो किंया है। झिको बी थारै कनै है, बिनै बांटो। झिको बारै कोनी  निकळ सकै बा खातर भोजन छोड दयो। एक दूकान में थारै लारलै आदमी खातर भूगतान करो। एक दोस्त नै कोई उपहार भेजो। “…….. आपणो प्रेम सब्दा अर बातां तांई ई कोनी रेणो चईयै पण बो प्रेम काम गै द्वारा सच्चो होणो चईयै।” (1 यूहना 3:18)
3. एक दूसरै ऊं प्रेम करो - यीसू केयो, “आपगै पड़ोसिया ऊं प्रेम करो,” आ दुसरी खास आग्या ही। अर एक आच्छै सामरी गी  मिसाल में बण समझयो कै बि सब्द ऊं बिंगी के मतलब है, “पड़ोसी।” पौलुस ओ बी सुझाव दिया कै,  “जियां एक घर गा लोग आपसरी में प्रेम करै है बियां ई थे दूसरा गै सागै प्रेम करो अर थे दूसरा नै आप ऊं मोटा समझो अर बांगो आदर मान करता रेवो।” (रोमी 12:10)
4. एक दूसरै नै यीसू कानी इसारा करो - ओ प्रभु यीसू ई है झिको आपणै तूफाना नै सांत कर सकै। पण  आपणै उपर है कै आपा एक दूसरै नै परमेसर गा बायदा याद कराना। अर एक दूसरै खातर परारथना करा।

बस याद राखो: इऊं कोई फरक कोनी पड़ै कै आपा किस्यै जरिया ऊं जाण लागरया हा। आपां सारा इमै एक सागै हा। आपां सारा एक ई धरती पर रेवा हा। आपां सारा एक ई पून में सांस लेवा हा।

मैं ऐ बाता थानै ईंखातर केई कै थानै मेरै द्वारा सांती मिलै। संसार में थानै दुख मिलैगो पण थे होसलो राखो, मैं संसार नै जीत लियो है।” (यूहना 16:33)

मैं पिता नै बिनती करूंगा अर बो थानै मदद करण आळो देवैगो झिको थारै सागै सदा रेवेगो। बो मदद करण आळो सत्य गो आत्मा है। ई दुनिया में बिनै कोई कोनी मानै। क्यूंकै ईं दुनिया में बिनै देख्यो कोनी अर जाणयो बी कोनी। थे बिनै जाणो हो क्यूंकै बो थारै सागै रेवै है अर आगे बी थारै सागै रेवेगो। (यूहना 14:16-17)

पण परमेसर झिको टेम गो फैसलो करयो बि टेम आपगै बेटै नै घाल्यो झिको एक लुगाई ऊं पैदा होयो अर बिनै नेम विधान पूरी तरियां मानणो जरूरी हो।  कै नेम विधान गै अधीन में रेण आळै लोगा नै छुड़ागे आपां नै परमेसर गोद लेगे टाबर बणा सकै।  अब आपां परमेसर गी उळाद हा। ईंखातर परमेसर आपणै मन में आपगै बेटै गी आत्मा घाली। बि आत्मा गी मदद ऊं आपां परमेसर नै हेलो मार सका कै “हे म्हारा पिता।” (गलाती 4:4-6)